"Volle Autobusse"

Am langen Samsdag enn de Stadt
do eß wat loß! Do bösse platt!
Dann send de Busse, dat eß doll,
met Menschenmassen proppenvoll.

Eck häff doch ens sonn Bus gesenn,
do geng kin Hering nit mehr renn.
Enn sonnem Bus woar ens dä Pitt.
Tum Kaal saite: " Du glöws dat nit,

eck fuhr doch gestern hie mem Bus
soa öm de Meddagstiet no Hus.
As eck dodrenn woar, woard meck kloar:
Dä ganze Bus voll Dichter woar!“

"Wodraan kannze dat dann nur senn,
dat do woarn alles Dichter drenn?
Soa eenfach merkt me dat doch nit",
soa frocht dä Kaal. Drop sait dä Pitt:

"Am Wall stieg een en Kontrollör,
dä hatten ok kin Platz nit mehr.
’Dichter', soa reep dä emmer wier,
’Dichter zusammenrücken hier'!"

« Vorheriges Gedicht

Inhaltsverzeichnis

Nächstes Gedicht »