"Kompanie stillgestanden!"

Domet die Truppe bliwt enn Schwong,
gewt et mols en Besichtigong.
Dann kömmt dä Oberst Pfeifenknie.
Dröm woard die ganze Kompanie

ganz doll op Vöardermann gebrait.
"Der Oberst kommt!“, dä Spieß nur sait.
Dann woard geschrubbt enn eene Tour.
Dat Hüsken, Mann, dat bletzten nur,

dä Korredoar woar spegelblank,
on opgerümt woar geder Schrank,
dä Köchendienst schmuck on adrett,
on glattgetrocken gedes Bett.

Am Morgen der Besichtigong
die ganze Kompanie dann stong
op däm Kasernenhoff parat.
Do kom dä Oberst ok schonn grad

met sinnem Adjutant doher.
Dä Oberst kennt dän Hauptmann Speer,
dä schneidig on met drüge Tong
vöar sinne Kompanie do stong.

Dä Oberst größt, et schinn de Sonn,
dän Hauptmann Speer vam widden schonn.
Do röppt ganz laut dä Schütze Kaal:
"Ja guten Tag, Herr General!"

Dä Kaal, dä glöwten nämmlich eent:
Dä Oberst hätten äm gemeent!
Kum woar dä Oberst Pfeifenknie
dann an de Kompanie vorbie,

kömmt aangesaust dä Hauptmann Speer
on bröllt do röm met roade Beer,
dat ok dä Spieß schonn road aanlöppt:
"Wer war das Rindvieh?", laut hä röppt.

Nur drei Sekonden woar et stell,
weil nömmes wat riskieren well,
dann röppt die ganze Kompanie:
"Das war der Oberst Pfeifenknie!“

« Vorheriges Gedicht

Inhaltsverzeichnis

Nächstes Gedicht »