"Zoo-Besöker"

Dörch usre Schwewebahn bekannt
eß Wopperdal enn Stadt on Land.
Van noh on fern kommen de Lütt.
Manchmol me ok Japaner sütt,

ok Amis ut Amerika
on schwatte Jongs ut Afrika.
Die kommen hie am Bahnhoff aan,
dann fahr'n se met de Schwewebahn,

on dann op eenmol send se do
enn ’Deutschlands schönst geleg'nem Zoo'.
Doch manker fengt dän fottens nit.
Soa woar dat ok, as ens dä Pitt

am Elwerfelder Bahnhoff stong
on waat om Kaal, dän lewen Jong.
En Mann ut Bayern, zemmlich grot,
met Lederbox on Seppelhot

on ok mem Gamsbaat owendrop,
met dicken Buck on dickem Kopp,
geht henn tum Pitt on sait: "Hallo!
I mecht so gerrn in eiren Zoo!"

Pitt kickt seck ens dän Seppel aan,
grenst fröndlich ens, drop saite dann:
"Sowat häff eck noch nit gesenn!
Als wat woll'n Sie dann bloß dohenn?"

« Vorheriges Gedicht

Inhaltsverzeichnis

Nächstes Gedicht »