"No de Hochtiet"

Met sinne Frau, on dat eß hatt,
hät Kaal en beßken Pech gehatt.
As Braut woar se so rechtig leef,
en Weitschen, dat bescheiden blew.

Geng hä ens enn sin Stammlokal,
gow twentig Mark sie ehrem Kaal.
Wenne ens kinne Meiskes hät,
brengt se äm fottens welke met.

Woar ens kin Bier em Hus, ja dann
kom se mem ganzen Kasten aan.
Woole nom WSV ens gonn,
fuhr se äm henn tum Stadion.

On Kaal denkt raffiniert on schlau:
„Dat eß för meck die recht'ge Frau.
Die eß vernönftig, die eß stell,
do kann eck maken, wat eck well!”

Doch kuum woarhä met ehr bestatt,
do wendet seck ganz fies dat Blatt.
Sie woar am Prötteln fröh on spät.
Kaal kreeg kin Been mehr op de Ääd.

Hä dorft nit düt on dorft nit dat,
hä ärgerten seck gröön on schwatt.
On eenes Dags saite tum Pitt:
"Met minne Frau - dat eß en Schitt!

Darf nit mehr schmoken, stell deck vör,
on suppen darf eck ok nit mehr.
Tum Skatspeeln owes darf eck nit,
well eck nom Stammdesch, well se mit.

Well eck no deck, stellt se seck quer,
eck darf verhaupts doch ganix mehr!"
Dä Pitter höat dän Kaal seck aan,
schöttelt mem Kopp, drop saite dann:

"Sicher bereus du dinne Wahl!?"
"Bereuen?", sait tum Pitt dä Kaal,
dann meente noch:" Du glöws dat nit:
Eck darf ok nit bereuen, Pitt!"

« Vorheriges Gedicht

Inhaltsverzeichnis

Nächstes Gedicht »