"Polizei-Kontrolle"

Dat eene wöard eck garantier'n:
Et wöard bestemmt völl mehr passier'n
bim Autofahr'n on em Verkehr,
wenn usre Polizei nit wöar.

Die Polizei, verlott deck drop,
paßt öwerall genau drop op,
dat nömmes, weil't seck nit gehöart,
ens schneller, as erlauwt eß, fäahrt.

Wie schnell me darf, steht ergendwo
genau enn de Eß-tee-Vau-O (STVO).+)
Ok kickt de Polizei oft no,
off die ’Papiere' all send do,

on off de Riepen noch send godd,
on off die Kaar nom TÜV bold mott.
De Pölizei, du merks dat schonn,
hät werklich allerhangk tu donn.

Am letzten Diensdag woar dä Kaal
ganz vöarne aan em Üllendal
op eenmol dann ganz plötzlech enn
en Polizei-Kontrolle drenn.

Die keeken dann ok hie on do
am Kaal sin Auto alles no.
Op eenmol sait Wachtmeester Schmidt:
"De Lampen vöarne brennen nit!"

Do kreech dä Kaal en roaden Kopp,
dann schluckte ens on sait dodrop:
"Verstoh eck nit! Dat eß en Deng!
Eck häff doch neue Kääzen drennl"

+) Straßen-Verkehrs-Ordnung

« Vorheriges Gedicht

Inhaltsverzeichnis

Nächstes Gedicht »