"Düre Blagen"

Hät jömmes Nachwochs seck bestellt,
dä merkt bold: Blagen kosten Geld.
Dat fängt mem Ömstandskleed schonn aan,
geht widder miet de Pämpers dann,

en Strampelbox, roat odder blau,
völl Vitamiensches för de Frau,
dä Büstenholder werd tu kleen,
dat kostet ok en paar Mark tehn,

em "Second-Hand-Shop", kleen on nett,
köffße dann bold en Kengerbett,
die Kengernahrong, die ritt ok
enn’t Pottmannee en groates Look.

Kum, dat me seck ens grad besennt,
ok schon die nächste Utgaw kömmt.
Genau soa geng dat ok däm Pitt.
Völl Zaster hatte domols nit.

As nu en Spoartwagen maut her,
woaren all sinne Täschen leer.
"Koop dän docht”, meent dä Kaal do flott,
„op Affzahlong“, dat geht ganz godd.

Dat hät Ernst Kletsch vam Aulen Matt
bie sinne Dauter ok gemackt.
Seß Raten hätte do betallt",
dä Kaal noch fröhlech widderkallt.

"Dat weet eck doch", sait drop dä Pitt,
"doch sowat, Kaal, dat mak eck nit.
Dat woar vam Ernst ok nit gescheit,
denn seitdäm stottert doch dat Weit!"

« Vorheriges Gedicht

Inhaltsverzeichnis

Nächstes Gedicht »