"Handlinien-Deutung"

Wat wöar dat entressant on schön,
wemme en Blick ens schmieten köön
enn usre Zukonft, weil me dann
vielleichts seck dono rechten kann.

Dröm kopen manke Menschen ok,
weil dodrenn steht ehr Horoskop,
en Illustrierte seck, on dann
glöwen se meistens ok dodraan.

Wemme sonn Horoskop bekneist,
dann merkt me fottens, dat die meist
ganz allgemeen gehollen send,
op geden van us passen könnt.

Wiesoa solln Steane weten dann
wat deck on meck passieren kann?
Doch för de Zukonft gewt et jo
Wahrsagerinnen hie on do.

Enn eener Kugel ut Kristall
können die lesen, wat noch all
em Lewen hie kömmt op deck tu.
Doch manke lesen dat em Nu

ut Koffesatz enn eener Täß,
wat du noch soa för Schangsen häß,
off du gesongk bliws on schöan schlank,
en Onfall häß odder werß krank.

Tu sonner Wahrsagerin geng
dann eenes Dags ok Pitter henn.
Die woar nit jong on woar nit schlank,
on loas däm Pitter ut de Hangk.

Tu Hus för sinne Frau sait Pitt:
woar bie sonner Ölische hütt,
die meck de Zukonft fast komplett
ut minne Hangk gelesen hät.

Wat die do soh, dat woar nit schleit,
„Sie werden alt“ hät se gesait!" ,
Siehße", sait sie verknaatscht tum Pitt,
"dat merken ok schonn angre Lütt!"

« Vorheriges Gedicht

Inhaltsverzeichnis

Nächstes Gedicht »