"Urlaub auf dem Bauernhof "

"Du, Kaal“, sait Pitter onverhofft,
"en Urlaub op sonn Bu'ernhoff,
dä soll gesongk sinn dann on wann
för deck on meck on gedermann.

Do werd nur met Natur gedöngt,
de Naitingall et Owes sengt,
on Höhner gackern do em Hoff,
dä Kückelhahn, eck feng dat toff,

kräht deck öm fauf et Morges wach,
me hät en schöanen langen Dag.
De Melk gewt et dreckt van de Käu,
de Pääds send zahm on ganit scheu,

on Ferkes gronzen do em Stall.
Dat wöar doch wat för us ens, Kaal!”
Dä Kaal domet, dat eß jo kloar,
ok fottens eenverstangen woar.

Vier Weken drop woaren die twei
- em Fröhleng woar't, soa Ende Mai,
om Bu’ernhoff em Münsterlangk
bim Bu'er Heinrich Rübendank.

Sie gengen öm de Schüer röm
on keken öwerall seck öm.
Sonn Bu’ernhoff, dat eß geweß,
för’n Groatstadtmensch wat Dolles eß.

Do fong dä Kaal an sonne Heeg
en Handgranat vam letzten Kreeg!
„ Mensch, Kaal!", reep Pitter ut vöar Schreck,
„die eß geföahrlich! Schmiet se weg!“

Met Schmackes schmeet die Handgranat
dä Kaal dann weg. Doch die feel grad
an sonn kleen Bretterhüsken henn,
wo enn de Döar en Häz eß drenn.

Kum log se do, gow et ok schon
en lauten Knall, en Explosion!
On mindestens drei Meter hoch
dann van däm Bums dat Hüsken flog.

On Rauch on Qualm woar öwerall.
Wat woar dat peinlich usern Kaal!
Doch ut däm Qualm kom plötzlich rut
die aule Bu'ersfrau. Vöar Wut,

woar sie am Schängen wie noch nie.
De Box heng ehr noch op de Knie.
"Nie mehr, verdammt, verlaßt euch drauf,
ich noch mal dicke Bohnen kauf!"

Dä Qualm trock langsam weg, on dröm
keeken die twei seck widder öm.
Tum Kieken gow et allerhangk
om Bu'ernhoff em Münsterlangk.

Op eenmol stongen Pitt on Kaal
bie fufftehn bongte Käu em Stall.
On do kom ok schonn gliek em Nu
en Mann gemötlech op sie tu.

Dä woar schon olt on kleen on schlank.
Dä Pitter gow äm dreckt de Hangk.
Doch ,Scheekhänds' mackt dä Olle nit.
Stattdessen nemmte seck vam Pitt

dann geden Fenger eenzeln vöar,
stubbst dän en beßken henn on her
on treckt ok ens soa komisch draan.
Deshalw frocht Pitter ok dän Mann,

(dat woar äm doch en beßken blöd)
woröm hä dat so maken döt?!
"Weil ich", saite, "jetzt immerhin
schon 40 Jahre Melker bin!"

Do frocht dä Kaal:" Wat eß dann bloß
met Ehren bunten Kühen loß?
Wat send die mager! Kollossal!"
"Wir haben doch", saite tum Kaal

„weil er beim Decken so laut schnauft,
den Bullen letztes Jahr verkauft.
Und seitdem fressen die nicht mehr.
Sie werden immer magerer.

Wenn sie auf ihre Weide geh'n,
das frische Gras lassen sie steh'n.
Auch Heu fressen die Kühe nicht,
sondern nur noch Vergißmeinicht!"

Dä Pitter keek seck widder öm.
Et gow jo allerhangk tu senn.
Em Stall woar ok en bongte Kau.
Om Schemel soot dovöar en Frau

on woar am Melken, stripp-strapp-stroll.
On woar dä Emer dann fast voll,
stallt vöar dat Muul van düse Kau
dän Emer henn die Bu'ersfrau.

Die Kau schlappt dann, dat geng ruck-zuck,
die fresche Melk enn ehren Buck.
Dä Pitter denkt: „Die Frau eß doll!“
Dröm frochte dann, wat dat bloß soll?

Die sait:“ Ich nit zufrieden bin,
die Milch, die war ein bißchen dünn;
drum soll die Milch jetzt hier im Nu
noch einmal durchlaufen durch diese Kuh!"

De nächste Dag woar schöan on kloar.
Dä Bu'er laut am Schängen woar
weil sinne Magd Elisabeth
dän Höhnerstall doch open leet!

Wat kreech dä Bu'er do en Schreck,
denn alle Höhner woaren weg!
"Die Höhner fengen doch“, sait Kaal,
"emmer tureu enn ehren Stall.

Dat leit soa enn dän Höhnern drenn:
Wo se tuhus send, gonnt se henn!"
Drop sait dä Bu'er dann empöart:
"Dat is et ja, wat mich so stört!"

En Urlaub op sonn Bu'ernhoff,
dä eß gesongk, on dä eß toff.
On fängt me dat do rechtig aan,
me allerhangk erlewen kann.

« Vorheriges Gedicht

Inhaltsverzeichnis

Nächstes Gedicht »