"Animateure"

Böß du em Urlaub ergendwo,
hät dä Verkehrsdirektor do
oft en "Animateur" bestellt,
dä alle Lütt för goddes Geld

dagsöwer ongerhaulen mott,
on manke maken dat ganz godd.
Tum Beispell weaden allerhand
Spele mem Ball gemackt am Strand.

Ok mackt dä oft vergnögt on froh
met alle Freiübongen do.
On eenes Morges hä erklöart:
"En Omnibus am Fridag fäahrt

enn't Landesinn're, wo Se dann
seck kicken "Land und Leute" aan."
Dä Reiseleiter noch erklöart,
dat dat tur "Bildung" ok gehöart.

On owes, wenne dann noch kannz,
eß enn de Disco ok noch Danz.
Oft eß ok em Programm noch drin
die "Wahl der Schönheitskbnigin".

Me sütt an die paar Beispell schonn:
Em Urlaub hät me völl tu donn. -
As Kaal vam Urlaub kom tureu
(Mallorca woar dä letzte Schrei),

frocht Pitter owes sinnen Frönd,
wo se dann do gewesen send?
Mallorca, dat eß jo bekannt,
hät öwerall en schöanen Strand.

"Dä Oat, en Stond van Arenal,
gefeel meck nit", sait drop dä Kaal.
"Die mackten Speelsches noch on noch.
Do hant se minne Öllsche doch,

dat hatt meck grade noch gefehlt,
tur Schönheitskönigin gewählt!
Dodraan erkennze ganz geweß,
wat dat för'n Kaff gewesen eß!"

« Vorheriges Gedicht

Inhaltsverzeichnis

Nächstes Gedicht »