"Kaninchen-Züchter"

Wenn jömmes eenen Garen hät,
dä meent oft, dä wöar eascht komplett,
wenn dann dodrenn op geden Fall
wöar ok noch en Kanickelstall

för Garenabfälle, die man
gliek dän Kanickels gewen kann.
Tur Weihnachtstiet, do hät me dann
Kaninchenbroaden enn de Pann.

För'n Garen hatten Kaal gespart,
do kreeche an de Barmer Hardt
en toffen Schrebergaren do,
Kaal, Frau on Kenger woaren froh;

denn getz hät Kaal doch geden Dag,
wenn hä no Hus kömmt, sinn Vermach.
En Garen, dat eß ganz geweß,
en werklich schöanes Hobby eß.

Tweimol Gesondheet brengt dä doch,
denn du bewegs deck noch on noch,
on dann kömmt geden Dag ganz fresch
Salat on söß wat op dän Desch.

On dann, wat eenem ok gefällt,
me spart ok noch en Hopen Geld.
Kaal eß em Garen möglichst oft
on arbit an de fresche Loft.

Die Frau vam Kaal troof enn de Stadt
dän Pitter ens, on dä frocht: "Wat
mackt Kaal em Garen geden Dag?"
Do seufze ens on sait dann: " Ach,

dä Kaal züchtet Kanickels getz!"
Do frocht dä Pitter ganz entsetzt:
"Versteht dä Kaal dann wat dovan?"
"Kaal nit, doch die Kanickels!",sait se dann.

« Vorheriges Gedicht

Inhaltsverzeichnis

Nächstes Gedicht »