"Azubi"

Wemme kom fröher ut de Schol,
wat ,“Anständiges" me lehren wool.
Bie eener Firma feng me dann
meist ergend eene Lehre aan.

On soa för mindestens drei Joahr
woar me getz Lehrling, dat woar kloar.
Hütt werd en Lehrling, wie bekannt,
„Azubi“ neuerdings genannt.

En "Auszubildender" eß dat,
en onbeschrew'nes, gröanes Blatt.
Dä Pitt geng domols enn de Lehr
bie Koch am Wall as Dekratör.

Em twidden Lehrjoahr woare schon,
do maut die Somerdekrazion
geängert wean op Wengtertiet.
En Opgaw för Azubi Pitt.

Dröm sait dä Chef van Koch am Wall:
„'Treck schonn ens ut die Puppen all!"
Wenn Pitter dann, dä lewe Jong,
bie all dän nackten Puppen stong,

kreeg gedesmol, verlott deck drop,
dä Pitter noch en roaden Kopp.
As Pitter fädig woar, kom dann
dä Chef on sait on grenst en aan:

"Eck mott deck lowen! Du böß godd!
Gearbit hässe werklich flott,
awwer die letzte Puppe, Pitt,
woar die Verköp'rin Frollein Schmidt!"

« Vorheriges Gedicht

Inhaltsverzeichnis

Nächstes Gedicht »