"Intelligenz-Förderung"

Dä Kaal fuhr met de Iesenbahn
tur Kur ens no Bad Zwischenahn.
Sin Arzt die Kur genehmigt hät,
domet dä Kaal seck ens komplett

do dann ’regenerieren' lött;
denn Kaal woar geden Dag soa mööd.
On ok em Kopp stemmt et nit mehr,
dodrenn woar et meist öd on leer.

Enn däm Abteil soot met däm Kaal
en Mann noch, zemmlich jong on schmal,
dä du'ernd bruune Kerne kaut,
die send ganz kleen on knacken laut.

"Wat eß dat“, feng dä Kaal dann aan,
"wat Sie do kauen, jonger Mann ?"
"Ich kaue Apfelkerne hier,
ich sage Ihnen auch, wofür:

Davon wird man intelligent!"
Dä Kaal sait dann dodrop: "Eck könnt,
dat wöar ganz godd, ok werklich ens
wat donn för de Entelligenz.

Dröm gewen Se meck doch, min Herr,
drei van dän Kernsches, bitte sehr!"
Do sait dä Mann, Kaal fong dat stark:
"Ein Kernchen kostet eine Mark!"

As Kaal gekaut die Kerne hatt,
do feel äm een, datte doch glatt
en paar Pongk Äppel för drei Mark
gekregen hätt bie us om Markt!

Entröstet saite dat däm Mann.
Dä nickt on meent, wobie hä dann
en Grensen nit verkniepen koon:
„Ja sehen Sie, die wirken schon!"

« Vorheriges Gedicht

Inhaltsverzeichnis

Nächstes Gedicht »