"Die Weihnachtsgans"

Dat eß en aule Tradition
on gow et bie Germanen schon:
Kom raan die schöane Weihnachtstiet,
dann woar et wi’er ens so wiet,

dat alle Gänse, fett on dick,
kregen en Trecken em Genick,
bloß weil en Mann ut Nazareth
an däm Dag grad Gebortsdag hät!

Enn Gänsekreisen frocht me nu:
"Wat können ,vie dann bloß dotu?"
Die fettsten Gänse kommen meist
ganz wiet ut Polen aangereist.

Tur Weihnachtstiet gedoch kreech Kaal
enn gedem Joahr en fetten Aal.
Doch düsmol woar dä Kaal dat leed.
Dä Aal äm bes hie owen steht!

Frönd Pitter schwärmt enn gedem Joahr,
wie toff dä Gänsebroaden woar.
Bevöar sing Öllsche kofft en Aal,
meent kott vöar Chreßdag user Kaal:

"Broad us doch ok, wenn du dat kannz,
tu Chreßdag ens en leckre Gans!"
"Kloar kann eck dat, du Dusselskopp",
sait sie entröstet dann dodrop.

On Heiligowend feng se dann
sonn Federvieh tu broaden aan.
Op eenmol heng do enn de Loft
en fiesen, penetranten Doft!

Dä Kaal getz nit mehr aan seck höllt:
"Womet häß du die Gans geföllt?"
"Wieso geföllt? Red doch kin Kohl!" reep sie,
"die woar doch ganit hohl!"

« Vorheriges Gedicht

Inhaltsverzeichnis

Nächstes Gedicht »