"Dessous"

Enn gedem Lewen eß dat so:
Eascht eß me jong on fit on froh,
me lewt dohenn, hat nit völl Geld,
on Tiet gakinne Rolle spellt.

Op eenmol, hasse nit gesenn,
bösse em ,Mittelalter' drenn.
Beruflich bösse aangespannt
denn man verlangt hütt allerhand.

As Pitter soa öm vearzig Joahr
em besten Mannesoller woar,
hät enn de Ferma hä geweß
en Hopen Ärger on völl Streß.

Kömmte no Hus, dann esse möd,
on enn de Liebe nix mehr geht.
Vöarm Fernseh'n schlöppte meistens een,
em Bett esse dann schonn öm tehn.

Doch sinne Frau, die nette Ruth,
mackt deshalw kinne domme Schnut.
Sie denkt seck nur, on dat woar godd:
,Eck krie dän Pitter wi'er flott!'

Dröm köffze, sie woar selws ganz weg,
dann schwatte Ongerwäsche seck.
On dat soh bie der schöanen Ruth
ganz doll on rechtig sexi ut.

En schwatten Straps op witte Haut
däm Pitt bestemmt gefallen maut.
Doch dä BH van däm Dessou
met Rüschend draan, dat woar dä Clou.

As Pitt et Owes kom no Hus,
do stong se dann enn dän Dessous
verführerisch am Köchendesch.
En Aanbleck woar dat! Söt on fresch!

As Pitter enn de köch dann kom,
Dä Aanbleck äm de Loft wegnohm!
"Öm Gottes Wellen!", röppte ut,
"et eß doch nix met Omma, Ruth?!"

« Vorheriges Gedicht

Inhaltsverzeichnis

Nächstes Gedicht »