"Du sollst nicht fluchen"

Dä Pitt troof sinnen Vetter Rolf.
Dän frochte dann: "Spells du noch Golf?"
„Ja kloar", sait dä, "dat eß doch schön,
so achtehn Löker speel eck gään.

Gangk doch ens met, dat kannz du ok!
Me schlött nur enn en kleenes Look
en wittes Bälleken do renn.
Dat geht deck! Hässe nit gesenn!"

Dä Pitter öwerleit nit lang,
denn Pitt mackt seck för ganix bang.
Dröm fäahrte bold mem Vetter Rolf
nom Golfplatz henn on spellt do Golf.

Soa eenfach woar dat awwer nit.
On gedesmol floocht dann dä Pitt,
wenn hä dän Ball enn't Look nit brait.
"Verdammt doneewen!" hä dann sait.

Dä Pitt heel seck am Floochen draan.
Sonn Paster höarten seck dat aan,
dä ok, wie Pitt, am Golfen woar,
schonn zemmlich olt met griese Hoar.

"Verdammt doneewen!" sait dä Pitt
tum fufften Mol, weil hä noch nit
een Ball enn't Look hät renngebrait.
"Verdammt doneewen!" Pitter sait.

Dat woar däm Paster doch tu domm.
Hä sait tum Pitt: "Nu höar ens, Jong,
wenn du dat Floochen lötz nit sinn,
trifft deck en Blitz, schonn bösse hin!"

Dä Pitter stöart seck nit dodraan.
"Verdammt doneewen!" Plötzlich dann
en Blitz vam Hemmel rongerzackt,
en Tummelskopp de Pitter mackt.

Doch troof dä Blitz dän Herrn Pastoar,
wat egentlich nit rechtig woar.
Dä Pitter floocht, dä Idiot,
doch dä Pastoar, dä woar getz dot!

Eascht woar et stell, mucksmüüskenstell,
dä Pitt dat ganit glöwen well.
Dann klengt et ut däm Hemmelsdoar:
"Verdammt doneewen!”, deep on kloar.

« Vorheriges Gedicht

Inhaltsverzeichnis

Nächstes Gedicht »