"Moderne Malerei"

Hütt an de Littfaßsäule stong:
Et eß en Belder-Utstellong
bie us getz em Museum hie.
Die Künstler wöaren ok dobie.

Enn däm Museum gedermann
die Belder seck gliek kopen kann.
On wenn sonn Maler willig eß,
dann sonn Gemälde bellig eß.

Met sinne Braut geht Pitter dann
dohenn on kickt seck Belder aan,
weil sinne Braut gään owerm Bett
en toffes Ölgemälde hätt'.

Et hengen dann ok Belder do,
do koon me ganit weten, wo
am Beld owen on ongen woar.
Dat ruttufengen woar mols schwoar.

Sonn Beld feel Pitt besongersch op.
Nur Farwkleckse woaren dodrop.
’Weiblicher Akt' dodronger stong.
Dä Pitter denkt seck: ’Jongejong!

En lecker Weitschen soll dat sinn?
Ganz angers häff eck dat em Sinn!'
Doch keek me do ens länger henn,
soh me en Og on ok en Been’.

Wie se seck dat soa keeken aan,
kallt se do aan en jongen Mann:
"Wenn Sie es kaufen woll'n, mein Herr,
ich bin der Maler, bitte sehr!“

"Met twentig Mark", dä Pitter kallt,
"eß dat Gekleckse godd betallt."
Wodrop dann dä Picasso sait:
"Eck häff meck dat schonn gliek gedait,

von Malerei Sie nix versteh'n,
dat kost' die Leinwand schonn alleen!"
Drop sait däm Pitter sinne Braut:
"Do woar se ok noch nit versaut!"

« Vorheriges Gedicht

Inhaltsverzeichnis

Nächstes Gedicht »