Weihnachtsmarkt in Barmen

Eenmol em Joahr bie us em Dal
eß Weihnachtsmarkt enn Wopperdal.
Enn Barmen on enn Elwerfeld
wearn ganz völl Buden opgestellt.

Dä Weihnachtsmarkt enn Barmen woar
genau soa wie em letzten Joahr
schöan weihnachtlich illuminiert,
met bonte Saken dekoriert.

En Blaskapell ut Elwerfeld
tum dredden Mol 'Weit Krismes' spellt.
Schnia gewt et awwer nit düs Joahr,
dä kömmt em Fröhleng - eß jo kloar!

Öwer däm Platz leit enn de Loft
en leckern söten Weihnachtsdoft.
On wenne do ens Kohldamp häß,
du allerhangk tu piffeln kreß:

En stiewen Grog kresse ok do,
gebrannte Mandeln sowieso,
on Bier vam Faat, en lecker Kölsch,
on Heringsstipp met ganz völl Ölsch.

Om Rost lei'n Wöarschtkes on Kottlett
on schmoren, brotscheln öm de Wett.
Ok Frikadellen gewt et dann,
en halwes Hähnken newenaan.

On no däm Leedchen 'Tschingel bell'
dreiht seck en Kengerkarussell.
Wat ok nit fehlt, dat send Pommfritt.
On öwerall drängeln de Lütt

on schuwen seck dann weihnachtsfroh
vorbie an all die Buden do.
On met däm Menschenstrom schwomm Pitt
enn Weihnachtsstemmong fröhlech mit.

Et woar däm Pitter zemmlich kolt.
Hä dröm seck twei Buletten hollt,
süppt seck en stiewen Grog dotu,
schonn woar et am dann warm en Nu.

Tu Hus on medden een de Nait
woard et däm Pitter ganz fies schleit.
Äm woard et kolt, dann wi'er heet,
hä dröm dän Noatarzt kommen leet.

Do hatten doch dä arme Jong
verdeck en Fleeschvergeftong!
Am nächsten Dag geng Pitter dann
fottens no däm Bulettenmann.

Pitt hatten noch dän Balg voll Wut,
schängt dän Bulettenmann dann ut:
"Een Fleeschvergeftong hatten eck
van Ehrem Frikadellendreck!"

"En Fleeschvergeftong?" reep dä dann,
"van minne Frikadellen, Mann?
Dat gewt et nit, dat kann nit sinn,
denn Fleesch eß do doch ganit drenn!

Dat eß ok wechtig seit eh on je,
du kriß dovan kin BSE!"